Баҳром Ҳакимов: "Олтинга тенг очкони қўлга киритдик"

"Бугун "Бунёдкор" биздан кўра яхшироқ ўйин намойиш этди. Буни тан оламан. Бу табиий ҳол, сабаби жамоа бир неча йиллардан буён шаклланиб келмоқда, таркибга истаган футболчини жалб эта олади. Биз олтинга тенг бўлган очкони қўлга киритдик. Мухлисларимиз бугунги ўйиндан қониқиш ҳосил қилишди. Агар бирозгина омадимиз бўлганида 3 очко олган бўлардик. Ҳимояда ўйнаганимиз рост. Агар худо хоҳласа олий лигада қолсак мавсумлар оралиғида яхши жамоа шакллантира оламиз", - дейди Баҳром Ҳакимов.

"Биз жуда тез ҳисобни очдик. Агар бироз кечроқ гол урганимизда балки ҳисобни сақлаб қолган бўлармидик. Ўйиннинг бошидан ҳимоявий ўйнаш жуда оғир. Таркибимиздаги Илҳом Юнусов, Артём Филипосян, Камолиддин Мурзоев каби футболчилар биринчи даврада деярли ўйнашмаганди".

"Дилшод Шарофетдинов "Сўғдиёна" билан баҳсда жароҳат олганди. Умид қиламизки у кейинги баҳсда сафга қайтади. Кейинги ўйинларга ҳам шундай тайёрланамиз, сабаби бизда орқага йўл йўқ", - дейди Ҳакимов.