Баҳрайн мураббийи кенгайтирилган таркибни эълон қилди

Баҳрайн терма жамоаси бош мураббийи Мирослав Сукуп 28 футболчидан иборат таркибни эълон қилди. Ушбу футболчилар шу ойда ташкил этиладиган йиғинда ҳам иккита ўртоқлик учрашувида иштирок этишади. Баҳрайн декабрда иккита назорат баҳси ўтказади: 20 декабрь Тожикистон ва 29 декабрь КХДРга қарши. Ҳар иккала учрашув Баҳрайнда бўлиб ўтади.

Мураббий эълон қилган рўйхатда Жассим Ал Шайх, Маҳди Хемайдан, Аҳмад Бу Гаммар, Аҳмад Мерза, Али Ҳарам, Абдулкарим Ал Фардан каби маҳаллий клубларда тўп тепадиган футболчилар ҳамда Муҳаммад Ал Ҳардан ("Сфинтул" Молдова), Сайед Дейа Саид ("Ал Наср" Қувайт), Абдулла Юсиф ("Богемианс 1905" Чехия) каби легионерлар бор.

Баҳрайн терма жамоаси Осиё Кубогида "А" гуруҳидан жой олган ва ўз ўйинларини БАА, Ҳиндистон ва Таиландга қарши ўтказади.