Баҳодир Шаймардонов: "Янгиер-Қурувчи" билан ўйинда жамоага омад етишмади"

"Ўйин биз кутган даражада бошланмади. Биринчи бўлимда шамол ҳам режаларимизга ўз таъсирини ўтказди. Танаффусдан кейин яратилган имкониятлардан фойдалана олмадик. Йигитлар қўлларидан келганча уринишди, гол уриш учун кўплаб вазиятларга эга бўлдик. Аммо омад ҳам етишмади. Спортда омад бўлмаса, жуда қийин. 

Бу ўйинга қадар футболчиларимизга ойлик ва мукофот пулини бергандик. "Янгиер-Қурувчи" билан бўладиган баҳсда ғалаба қозонсак, дарҳол яна мукофот пулларини беришга тайёр тургандик. Афсуски, натижа биз кутган даражада бўлмади. Бир сўз билан айтганда, "Ғиждувон"нинг молиявий ҳолати бугунги кунда қониқарли. Муаммолар юзага келгани йўқ. 

Трансфер ойнаси очилса, бир қатор футболчиларни таклиф қилмоқчимиз. Таркибни кучайтирмоқчимиз. Яхши ният қилиб турибмиз. Қолаверса, бир қатор ўйинчиларга жавоб ҳам бермоқчимиз", – деди Шаймардонов.