Баҳодир Насимов: "Сўғдиёна"нинг бу йилги мақсади кучли учликка кириш"

- Баҳодир ака, "Сўғдиёна" жамоасига хуш келибсиз! Ўтган мавсум "Навбаҳор" ва "Динамо"да ўйнадингиз. Мавсум якунлангач "Сўғдиёна" сафига келиб қўшилдингиз. "Сўғдиёна"ни танлашингизга нима сабабчи бўлди?
- "Сўғдиёна" жамоаси ўтган мавсумда яхши натижалар қайд этди. Чемпионатда 4-ўринни қўлга киритди. Бу йилги мақсади кучли учликка кириш. Жамоа бош мураббийи Улуғбек Бақоев мени жамоага таклиф қилди. Шу боис ҳам Жиззахга келдим.

- Жамоа билан бир йиллик шартнома туздингиз. Кейинги мавсум ҳам фаолиятингизни шу жамоада давом эттириш ният борми?
- Яхши натижаларга эришиш насиб қилса ва яна клубдан шартномани узайтиришга таклиф тушса қоламан жамоада.

- Биламизки, "Сўғдиёна" жамоасида яхши савиядаги ҳужумчилар мавжуд. Улар билан рақобат қай даражада кечади ва асосий таркибга кириш ҳақида айтсангиз...
- Бу футбол. Ҳужумчиларни биламиз ким кўп гол урса ўша футболчи ўйнайди. Жамоада аввало ким кучли бўлса шу футболчи асосий таркибда ўйнаши керак деб ҳисоблайман.


Оғабек Самисов тайёрлади