Баҳодир Насимов: "Ўйинда "Обод" ҳам, биз ҳам ғалаба қозонишимиз мумкин эди"
27 mar 2016 12:00
News

Баҳодир Насимов: "Ўйинда "Обод" ҳам, биз ҳам ғалаба қозонишимиз мумкин эди"

"Обод"га қарши баҳсда дублга эришган "Бунёдкор" ҳужумчиси Баҳодир Насимов ўйиндан сўнг ўз фикрлари билан ўртоқлашди.

"Ўйин қийин бўлди. Барча кўрди. Бу ўйинда рақиб ҳам, биз ҳам ғалаба қозонишимиз мумкин эди. Ҳали олдинда жавоб ўйини бор. Насиб қилса, ўша ўйинга яхши тайёрланиб, кейинги босқич масаласини ҳал қиламиз деб умид қиламан.

"Обод"нинг бунгача ўтказган ўйинларни кўргандик. "Бухоро"га қарши ўйинда ҳам улар ёмон таассурот қолдиришмаганди. Ундан кейин "Оқ-Тепа" йирик ҳисобда доғда қолдирилди. Рақиб жамоа ёшлардан иборат. Бир-бирларини яхши тушунадилар. Шу сабабли, улардан мана шундай қаршилик кутгандик", - дея ўз фикрларини якунлади Баҳодир Насимов.