Баҳодир Насимов: “Мағлуб бўлаверсак кучли учликка ҳам кирмаймиз”
18 sep 2016 14:05
News

Баҳодир Насимов: “Мағлуб бўлаверсак кучли учликка ҳам кирмаймиз”

Кеча чемпионатимизнинг 22-турида “Бунёдкор” клуби “Пахтакор” меҳмони бўлди ва мағлубиятга учради. Ушбу баҳсдан сўнг “қалдирғочлар” жамоаси ҳужумчиси Баҳодир Насимов фикр билдирди.

“Тўғрисини айтганда “Пахтакор” бизда кўра кучлироқ ўйин кўрсатди. Мағлубиятга сабаб, ҳужумда ҳам ҳимояда ҳам яхши ўйин кўрсата олмадик. Биринчи бўлимда 5 та ҳимоячи билан ўйнагандик. Афсуски бу ҳам иш бермади ва ўз дарвозамиздан тўп олиб чиқдик.

“Шерлар” ҳамма томонлама биздан кучли эди. Биз мағлубиятга учрадик, олдимизга қўйилган мақсад бироз мураккаблашди. Олдинда яна бир нечта ўйинлар бор. Қолган учрашувларда фақат ғалаба қозонишимиз керак. Ортимизга йўл йўқ. Мана шунақа мағлубиятларга учрасак кучли учликка ҳам кирмаймиз. Энди дуранг натижа ҳам қайд этмасдан фақат ғалаба ҳақида ўйлашимиз керак. “Пахтакор” клубини ғалаба билан табриклайман”, - дейди “Бунёдкор” жамоаси футболчиси Баҳодир Насимов.

Жаҳонгир Сотволдиев

Link :

Source : championat.asia

Receive latest football news directly on your phone. Subscribe for our Telegram channel!

Rating: +1