Баҳодир Насимов: “Бугун муросасиз ўйин бўлади”

Ушбу ўйин олдидан “Бунёдкор” клуби ҳужумчиси Баҳодир Насимов ўз фикрларини билдирди.

“Пахтакор”га қарши тайёргарлик жуда яхши бўлди. Бугунги ўйинда майдонга фақат ғалаба қозониш учун чиқамиз. Очко йўқотишга ҳаққимиз йўқ, чунки биз чемпион бўлмоқчимиз. Менимча бугун “Пахтакор”га қарши муросасиз ўйин бўлади. Сабаби ўйин Тошкентда бўлади. “Бунёдкор” майдоними ёки “Пахтакор” бизга фарқи йўқ. Бугун қандай ўйин намойиш этамиз, буни билмайман. Учрашувдан олдин мураббийимиз бизга қанақа тактикада ўйнашни айтса шундай тактикада ўйнаймиз. Афсуски бугун бизга ҳимоячимиз Бульят ёрдам бера олмайди. Унинг 4 та сариқ карточкаси борлиги сабабли бугунги ўйинни ўтказиб юборади. Биз ҳар бир учрашувга фақат ғалаба қозониш учун майдонга тушамиз. Шунинг учун “Локомотив” бўладигшан ўйинда ҳам ғалаба қозонишимиз шарт”, - дейди “Бунёдкор” клуби ҳужумчиси Баҳодир Насимов.

Жаҳонгир Сотволдиев