БАА про-лигаси: Қиличев гол урди, кейинги турда ўзбек дербиси бўлади
08 feb 2014 00:24
News

БАА про-лигаси: Қиличев гол урди, кейинги турда ўзбек дербиси бўлади

БАА про-лигасида 17-тур ўйинлари бўлиб ўтди. Биз эътиборингизни ҳамюртларимиз иштирокидаги ўйинларга тортамиз.

Азиз Ҳайдаров тўп тепаётган "Ал Шабаб" клуби ўз уйида "Ал Васл"га майдонга тушди ва 1:0 ҳисобида ғалаба қозонди.
Ҳамюртимиз ушбу баҳсда тўлиқ ўйнади. "Шабаб" айни пайтда 33 очко билан мусобақа жадвалининг иккинчи поғонасида бормоқда. Клуб навбатдаги ўйинни 14 февраль куни ўз уйида "Ал Шааб"га қарши ўтказади.

"Ал Шабаб" - "Ал Васл" 1:0
Гол: К.Виллануева 86 пенальти

Ойбек Қиличев фаолият олиб бораётган "Ал Шааб" клуби ўз майдонида пешқдам "Ал Аҳли"га 1:3 ҳисобида ютқазиб қўйди. Ҳамюртимиз январь ойида "Шааб"га ижарага берилган Қиличев жамоа сафидаги ўзининг биринчи голини айнан шу баҳсда урди. Ойбек 53-дақиқда сариқ карточка олишга ҳам улгурди. Клуб 17та турдан сўнг 10 очко билан мусобақа жадвалининг 13-поғонасида бормоқда. Жамоа энди 14 февраль куни сафарда Азиз Ҳайдаров тўп тепаётган "Ал Шабаб" билан ўйнайди.

"Ал Шааб" - "Ал Аҳли" 1:3
Голлар: Ойбек Қиличев 19 - Сиел 12, Хименез 47, 72.

Link :

Source : championat.asia

Receive latest football news directly on your phone. Subscribe for our Telegram channel!

Rating: