БАА - Ўзбекистон. 17-тўқнашув арафасида
11 oct 2020 13:02
News

БАА - Ўзбекистон. 17-тўқнашув арафасида

Эртага Вадим Абрамов бошчилигидаги Ўзбекистон терма жамоаси Дубай шаҳрида БАА терма жамоаси билан ўртоқлик учрашуви ўтказади.

Бу жамоалар ҳозирга қадар 16 марта ўзаро ўйин ўтказишган. Эртанги баҳс 17-ўзаро учрашувга айланади.

Таъкидлаш лозимки, Ўзбекистон терма жамоаси бугунга қадар Жанубий Корея ва БААга қарши 16тадан ўйин ўтказган. Бу бизга энг кўп рақиблик қилган жамоалар ҳисобланади. Эртага БАА бу борада рекордчига айланиб олади.

БАА Ўзбекистонни 9 марта мағлуб этган. Тўртта учрашувда дуранг қайд этилган. Вакилларимиз бу жамоани атиги 3 марта таслим қила олишган холос.

Терма жамоамиз БАА билан 16та ўйинда 17та гол уришга эришган. Энг кўп гол Сервер Жепаров ҳисобида - 3та. Николай Ширшов 2та гол урган. Айни пайтда терма жамоамиз таркибида бўлиб турганлар орасида фақат Игорь Сергеев олдин БАА дарвозасини ишғол қила олган ҳолос.

Ўзбекистон терма жамоаси БААга қарши Дубай шаҳрида бунга қадар 3 марта ўйин ўтказиб умуман ғалаба қозона олмаган экан - 2та дуранг, 1та мағлубият.

Эслатиб ўтамиз, БАА - Ўзбекистон учрашуви 12 октябрь куни Тошкент вақти билан соат 19:20да бошланади.

Ўйин	Ҳисоб	Шаҳар	Ўйин мақоми	Сана	Бизнинг голлар
БАА - Ўзбекистон	4:2	Абу Даби	Ўртоқлик	19.11.1996	Шуҳрат Мақсудов, Нўъмон Ҳасанов
БАА - Ўзбекистон	2:0	Абу Даби	Ўртоқлик	22.11.1996	-
Ўзбекистон - БАА	2:3	Тошкент	ЖЧ-1998 саралаши	27.09.1997	Николай Ширшов, Равшан Бозоров
БАА - Ўзбекистон	0:0	Абу Даби	ЖЧ-1998 саралаши	02.11.1997	-
БАА - Ўзбекистон	0:1	Ал Айн	ОК-2000 саралаши	27.11.1999	Максим Шацких
БАА - Ўзбекистон	4:1	Абу Даби	ЖЧ-2002 саралаши	17.08.2001	Николай Ширшов
Ўзбекистон - БАА	0:1	Тошкент	ЖЧ-2002 саралаши	22.09.2001	-
БАА - Ўзбекистон	2:2	Дубай	Ўртоқлик	11.10.2003	Виктор Карпенко, Сервер Жепаров
БАА - Ўзбекистон	0:1	Шаржа	ОК-2011 саралаши	28.01.2009	Фарҳод Тожиев
Ўзбекистон - БАА	0:1	Тошкент	ОК-2011 саралаши	03.03.2010	-
БАА - Ўзбекистон	1:0	Дубай	Ўртоқлик	29.01.2012	-
БАА - Ўзбекистон	2:2	Дубай	Ўртоқлик	12.10.2012	Санжар Турсунов, Сервер Жепаров
БАА - Ўзбекистон	2:1	Абу Даби	ОК-2015 саралаши	22.03.2013	Шоҳруҳ Гадоев
Ўзбекистон - БАА	1:1	Тошкент	ОК-2015 саралаши	05.03.2014	Игорь Сергеев
БАА - Ўзбекистон	0:4	Абу Даби	Ўртоқлик	14.10.2014	Тимур Кападзе, Сервер Жепаров, Наврўзбек Алимов, автогол
БАА - Ўзбекистон	1:0	Ал Айн	Ўртоқлик	14.11.2017	-