Азиз Ибрагимов: "Тайёргарлик тоғда давом этяпти"
15 jan 2014 16:47
News

Азиз Ибрагимов: "Тайёргарлик тоғда давом этяпти"

Ўзбекистон миллий терма жамоасининг собиқ ярим ҳимоячиси Азиз Ибрагимовнинг Чехия 1-дивизиони вакили "Динамо Будейовици" клуби шарафини ҳимоя қилаётгани ҳақида хабар берган эдик.

Жамоа билан икки йиллик (яна бир йилга узайтириш имкони билан) шартнома имзолаган Ибрагимов айни кунларда ўз клуби таркибида иккинчи даврага тайёргарлик кўряпти.

Жамоамиз шу кунларда пойтахт Прагадан 150 км узоқликда жойлашган Яблоница шаҳрида иккинчи даврага тайёргарлик кўрмоқда. Яблоница тоғли ҳудудда жойлашган. Табиийки, асосий эътибор жисмоний тайёргарликка қаратилган. Машғулотлар ҳам шу асосда олиб бориляпти. Клуб раҳбарияти бразилиялик ҳужумчи билан шартнома имзолади. Шунингдек, айни пайтда Хорватия ва босниялик легионер футболчилар ҳам кўрикдан ўтишмоқда, - дейди "СА"га берган махсус интервьюсида Азиз Ибрагимов.

Таъкидлаш жоизки, Чехия футболининг афсонаси Карел Поборски "Динамо Чешские Будейовици" клубининг бош директори ҳисобланади. Ибрагимов учун бу учинчи Чехия клубидир. Бунга қадар у "Баник Мост" ҳамда "Богемианс" жамоалари шарафини ҳам ҳимоя қилганди.

Link :

Source : championat.asia

Receive latest football news directly on your phone. Subscribe for our Telegram channel!

Rating: