Азиз Ибрагимов: "Айрим сабабларга кўра "Дачия"га ўтишим амалга ошмади"

Расмий келишувга эришилгач, футболчи "championat.asia"га бу ҳақда хабар берди.

- "Бухоро" билан мавсум сўнггига қадар шартнома имзоладим. Очиғи айтганда, жамоамни ўзгартиришимнинг сабаблари жуда кўп. Бунга ҳозир батафсил тўхталмоқчи эмасман. Энди бор эътиборимни "Бухоро"нинг муваффақиятларига қаратаман. Жамоа менга ёқди. Футболчиларнинг кўпчилиги билан олдиндан танишмиз ва илиқ муносабатлар ўрнатилган.

- Ҳа, "Динамо" билан айнан хориждан таклиф бўлаётгани учун амалдаги шартномани бекор қилгандик. Аммо хужжатларимни олиш бироз кечикди. Натижада ўша хориж клуби бошқа футболчини харид қилди. Сабаби улар Европа лигасида иштирок этарди ва мавсум бироз эртароқ бошланарди. Клубга эса легионер ҳужумчи зарур эди.

- Яширмайман, Молдавиянинг "Дачия" клубидан қизиқиш бўлганди. Улар хатто расмий таклиф билан чиққанди - дейди Азиз Ибрагимов.


Исломбек Рустамбеков суҳбатлашди.