Азиз Ҳайдаров: "Дастлабки ўйиндаги ғалаба муҳим"

"Авваламбор барча мухлисларга салом! Икки кундан буён ЖЧ-2018нинг иккинчи саралаш босқичига тайёргарликни бошлаб юбордик. Машғулотларни яхши олиб бормоқдамиз. Терма жамоа йиғинига баъзи футболчилар чемпионатни якунлаб келишган. Айримлар учун эса чемпионат ўртаси кечмоқда. Шу боисдан ўйинчилар ҳар хил ҳолатда терма жамоа лагерига келиб қўшилишган. Мураббийларимиз энди футболчиларни ҳолатини бир хил кўринишга келтиришга ҳаракат қилишмоқда. Мақсад барчани жамлаб, битта умумий кучли жамоани тузиш. Эртага (суҳбат 9 июнь куни бўлиб ўтган) Эронга қарши ўртоқлик ўйини олдидан машғулот бўлиб ўтади ва шунда мураббийларимиз бу учрашувга тегишли кўрсатмаларни беришади. Видео тафсилотларни кўриб чиқилганидан сўнг Эронга қарши беллашувга мураббийларимиз қайси тактикада ўйнашимизни маълум қилишади. Эрон билан бўладиган ўртоқлик учрашуви орқали КХДРга қарши ўйинга тайёргарлик кўриб оламиз. Биринчи ўйинни ғалаба билан бошлаш жуда муҳим. Биз янги марра сари илк қадамни тўғри қўя билишимиз керак. Дастлабки баҳсда ғалаба қозонсак қолгани бироз енгиллашади. Яхши ниятлар билан ЖЧ саралаш босқичини бошлаймиз. Худо хоҳласа натижаларимиз яхши бўлади деб ўйлайман", - дея ўз фикрларини билдириб ўтди Азиз Ҳайдаров.

"Аш Шабаб"даги келгуси фаолияти хусусида:

- Кейинги мавсумда ҳам "Аш Шабаб"да қоламан. Клуб билан 2017 йилнинг сўнггига қадар тузилган шартномам амалда мавжуд. Шартномам охиригача ушбу жамоада қолсам керак менимча.

Шаҳбоз Беғамов суҳбатлашди.