Азиз Ғаниев: "Урган голимни акамга бағишлайман"

Футболчиларимиз кеча Жанубий Корея устидан 4:1 ҳисобида ғалабага эришишди. Ҳисоб 1:1 бўлиб турган пайтда "Насаф" футболчиси Азиз Ғаниевнинг тепган тўпи стадионни ларзага келтирди. У жуда ажойиб тарзда кореяликлар дарвозасига тўп киритди. Ўйиндан сўнг Ғаниев ОФК сайтига интервью бериб, ушбу голни катта акасига бағишлашини айтиб ўтди. 

- "Бу шу пайтгача урган голларим ичида энг чиройлиси ва муҳими бўлди. Мен бу голни катта акамга бағишлайман. Чунки ўйиндан олдин акам билан гаплашганимда сен албатта гол урасан деганди. Шу боис охиригача ҳаракат қилдим".

- "Бу ғалабада бутун жамоанинг ҳиссаси бор. Биз финалга чиққанимиздан хурсандмиз. Барса футболчилар астойдил тер тўкишди. Агар мусобақада ғолибликни қўлга киритсак, бу Ўзбекистон учун тарихий воқеа бўлади".