Азим Аҳмедов: “Пахтакор” бу йил ўзига ўхшамади"
17 dec 2016 13:32
News

Азим Аҳмедов: “Пахтакор” бу йил ўзига ўхшамади"

Тошкентнинг “Пахтакор” клуби 20 декабрь санасидан янги мавсумга тайёргарликни бошлайди. Бу йилги мавсум тўғрисида “шерлар” футболчиси Азим Аҳмедов ўз фикрларини билдирди.

“Бу йилги мавсум “Пахтакор” учун ижобий ўтди дея олмайман. Чунки “Пахтакор” фақат чемпионлик учун кураш олиб борадиган жамоа ҳисобланади. Афсуски бу йил жамоамиз учун омадсиз йил бўлди.

Биринчи даврада жамоага қўшилиб кетишим бироз қийин бўлди. Бунга ҳаяжонланганим сабаб бўлган бўлса керак. Иккинчи даврадан эса ўзимни яхши ҳис қила бошладим. Жамоа ўйин услубига анча мослашиб олдим. Насиб қилса келаси йили чемпион бўлиш учун ҳаракат қиламиз.

“Пахтакор” бу йил ўзига ўхшамасдан ҳаракат қилди. Бунга омадсизлигимиз ҳам сабаб бўлди, деб ўйлайман.

Бу йилги мавсумда энг яхши футболчи менимча Жалолиддин Машарипов ва Темурхўжа Абдухолиқов бўлса керак. Чунки улар жамоа сафида жуда ҳам яхши ҳаракат қилишди. Мураббийлардан “Локомотив” клуби бош мураббийи Андрей Микляев ва “Насаф” бош мураббийи Рўзиқул Бердиев йил мураббийи бўлишса керак”, - дейди “Пахтакор” футболчиси Азим Аҳмедов.

Жаҳонгир Сотволдиев.

Сайтимизнинг Facebook даги саҳифаси - facebook.com/championat.asia

Link :

Source : championat.asia

Receive latest football news directly on your phone. Subscribe for our Telegram channel!

Rating: -17