Азар ва Асенсио "Реал"нинг "Бетис"га қарши ўйин учун қайдномасидан жой олмади

Мадрид клуби қайдномасидан ярим ҳимоячилар Эден Азар ва Марко Асенсио ўрин олмади. Улар бугун умумий гуруҳ машғулотларда қатнашишган, бироқ ҳали ўйнашга тайёр эмаслар.

Ҳимоячи Эдер Милитао ва ҳужумчи Мариано Диас ҳам жароҳатларидан тикланиш билан банд.

"Реал" қайдномаси:

Дарвозабонлар: Тибо Куртуа, Андрей Лунин, Диего Альтубе.

Ҳимоячилар: Даниэль Карвахаль, Серхио Рамос, Рафаэль Варан, Начо Фернандес, Марсело, Альваро Одриосола, Ферлан Менди.

Ярим ҳимоячилар: Тони Кроос, Лука Модрич, Каземиро, Федерико Вальверде, Мартин Эдегор, Иско.

Ҳужумчилар: Карим Бензема, Борха Майораль, Лукас Васкес, Лука Йович, Винисиус Жуниор, Родриго Гоэс.

Эслатиб ўтамиз, "Реал" эртага "Бетис" билан баҳс олиб боради. Учрашув Тошкент вақти билан 23:59 да старт олади.