Азар "Челси"га қарши ўйин ҳақида: "Мен "Реал" ўйинчисиман ва ютишни хоҳлайман"
28 apr 2021 11:25
News

Азар "Челси"га қарши ўйин ҳақида: "Мен "Реал" ўйинчисиман ва ютишни хоҳлайман"

Мадриднинг "Реал" клуби форварди Эден Азар "Челси" (1:1)га қарши ўйиндан сўнг ўз фикрларини билдириб ўтди.

"Барчаси яхшироқ, балки ёмонроқ ҳам бўлиши ҳам мумкин эди. Биз "Челси"га меҳмонга борамиз ва ғалаба учун ўйнаймиз.

Тикланиш? Мен шунчаки босқичма-босқич ҳаракатланмоқдаман, ўйнашни ва ўз жамоамга ёрдам беришни хоҳлайман. Бугун одатдагидан кўпроқ ўйнадим, мавсум якунланишигача бир нечта ўйин қолди, уларда иштирок этишни хоҳлайман.

Доим эски дўстларни кўриш ва уларга қарши ўйнаш ажойиб, аммо мен "Реал" ўйинчисиман ва ютишни хоҳлайман", - дейди бельгиялик ҳужумчи.

Эслатиб ўтамиз, Азар мавсумнинг катта қисмини жароҳати сабаб ўтказиб юборди.