Азамат Исроилов “Сўғдиёна”ни тарк этди
16 jun 2018 09:06
News

Азамат Исроилов “Сўғдиёна”ни тарк этди

Сўнгги йилларни Жиззахнинг “Сўғдиёна” жамоасида ўтказиб келган Азамат Исроилов жамоа билан хайрлашди.

Футболчининг сайтимизга маълум қилишича, “Сўғдиёна” бош мураббийи Сергей Лушан жамоани тарк этадиган футболчилар рўйхатини маълум қилган. Унда Исроилов ҳам ўрин олган. Шу боис 27 ёшли футболчи энди ўзига янги жамоа топади. Азаматга ҳозирда ПРО-Лига вакили Самарқанднинг “Динамо” жамоаси жиддий қизиқиш билдирмоқда. Аммо футболчи ҳозирча аниқ бир тўхтамга келиб улгурмади. Исроиловнинг айтишича, келаси ҳафта у янги жамоаси сафига қўшилади. Айнан қайси клуб билан келишувга эришганини ҳозирча аниқ айтмади.