Азамат Илёсов: "Жисмоний жиҳатдан кўрсаткичларимиз юқори эмаслиги панд бермоқда"

Учрашувдан кейин унинг фикрлари билан қизиқдик.

- Азамат, бугун жамоангиз ғалаба қозониши ҳам ҳеч гап эмасди. Аммо иккинчи бўлимда ўз дарвозаларингдан тўп ўтказиб юбориб, тайёр ғалабани қўлдан бой бердинглар. Ўйин ёқдими?
- Ўйин зўр бўлди. Футболда сен урмасанг, сенга уришади деган гап бор. Бугун шундай бўлди. Гол уриш учун кўплаб вазиятларни яратдик. Бироқ улардан фойдаланишга келганда бизга аниқлик етишмади. Оқ-тепа эса битта имкониятдан фойдаланиб қолди. Бу жамоа ютса бўладиган рақиб. Тошкентликлар сафида менга Никита Павленконинг ўйини ёқди.

Бизнинг асосий камчилигимиз бу жисмоний тайёргарлигимизнинг жуда сустлигидир. Айнан шу томондан кўп ўйинларда рақибга ютқазиб қўймоқдамиз.


Адилбай Алланиязов суҳбатлашди