Аёллар футболи. Ўзбекистон U-16 эртага Вьетнамга учиб кетади
21 aug 2016 13:05
News

Аёллар футболи. Ўзбекистон U-16 эртага Вьетнамга учиб кетади

Ўзбекистон U-16 қизлар терма жамоаси Осиё чемпионати саралашида иштирок этади.

Карима Юлдашева бошчилигидаги терма жамоа эртага Тошкент-Сеул-Ханой йўналиши бўйича Вьетнамга учиб кетади. Қизларимиз 25 августдан 3 сентябрга қадар Ханой шаҳрида Осиё чемпионати саралаш ўйинларида иштирок этишади. Терма жамоа бош мураббийи Карима Юлдашевага Илҳом Ханжариев ҳамда Гулнора Тўраева ёрдам беришади.

Ўзбекистон U-16 саралаш гуруҳида Вьетнам, Австралия, Гонгконг, Фаластин ва Ироқ ўсмирлар терма жамоалари ўрин олган. Қизларимиз саралаш ўйинларини 25 август куни мезбон Вьетнамга қарши баҳс билан бошлашади. Гуруҳда фақат биринчи ўринни олган жамоа 2017 йил Хитойда бўлиб ўтадиган Осиё чемпионати финал босқичига йўл олади.

Маълумот учун, Ўзбекистон U-16 қизлар терма жамоаси 2013 ва 2015 йилги Осиё чемпионати финал босқичида иштирок этган.

Link :

Source : championat.asia

Receive latest football news directly on your phone. Subscribe for our Telegram channel!

Rating: