Айбек Нурбаев: "Ўз хатоларимиз эвазига мағлуб бўлдик"

Ўйин ҳақида

- "Машъал" жамоасини ғалаба билан табриклаймиз. Ўйин жанговор руҳда ўтди. Биринчи бўлимда вазиятларимиз бўлди, гол киритишга ҳаракат қилдик. Иккинчи бўлимдаги ўйинимиздан қониқмадим. Футбол ўйнамадик, захирадан тушганлар ҳам ўйинни кучайтирмади. Балки узоқ йўл туфайли йигитларда чарчоқ кузатилгандир. 

- Биринчи бўлимда жамоангиз яхши ўйнаб турганди. Иккинчи бўлимда бунинг акси кузатилди. Бунинг сабаби нима? 

- Йигитлар ҳаракат қилишди. Диққат-эътиборни йўқотдик. Бу чарчоқ туфайли. Ҳимояда хатолар кузатилди. Ёмон ўйнамаётган эдик. 

- Ҳакамлик ҳақида фикрингиз қандай? 

- Ҳакамлар ишига баҳо бермайман. Уларнинг ишини ўрганадиган қўмита бор. Ўйин назоратчиси бор, хато қилса, баҳосини беради. Ютқаздикми, ўзимиз ютқаздик, ҳакамликнинг алоқаси йўқ. Демак, хатоларга йўл қўйдик.