Latest news

14:20Месси туғилган кунини нишонлади, Араухо уйланди, ПСЖда "ойлик чиқди". Футбол юлдузлари ҳафтани қандай ўтказди?  0 14:10Котрина Кулбите: "Муносиб ўйин кўрсатиб, Осиё кубоги йўлланмасини қўлга киритишни мақсад қилганмиз"  0 13:54"Динамо" бир киши кам бўлиб "Қўқон-1912"ни ютган учрашувдан галерея  2 13:28Гвардиола Грилишнинг кам ўйнаётгани сабабини айтди  0 12:56Милан Митрович: “Футбол ҳаётга ўхшайди — ҳамма нарса режадагидек кетавермайди”  0 12:50Симоне Инзаги: "Пеп Гвардиола - энг зўри"  2 12:22Исломбек Исмоилов: "Нефтчи"га вилоят ҳокимининг таклифи билан келдим"  9 12:12Рафинья Нико Уильямс ҳақида: "Юқори сифатли футболчи"  1 11:44"Астон Вилла" "Челси" ва "Арсенал" қизиқаётган футболчиси учун 100 млн фунт талаб қилмоқда  1 11:16"CAFA Nations Cup" мусобақасида 8 терма жамоа иштирок этади  6 10:50Винисиуснинг талаблари маълум. Унинг талабларини “Реал“ қабул қилишга тайёр эмас  11 10:20“Рома“ ҳужумчисига Россиядан таклиф бор  0 09:51“Ньюкасл“ Жанубий Корея терма жамоаси аъзоси билан шартнома тузмоқчи  0 09:22“Бавария“га “Ливерпул“нинг икки нафар футболчиси керак  1 08:52Пролига. Бугун Тошкент дербиси бўлиб ўтади  1

Айбек Нурбаев: "Бизга тажриба ва гол урадиган ҳужумчи етишмаяпти" News

Айбек Нурбаев: "Бизга тажриба ва гол урадиган ҳужумчи етишмаяпти"

Про-лиганинг 8-тури доирасида "Ғиждувон" майдонидаги мағлубиятдан кейин "Арал" мураббийи Айбек Нурбоев ўз фикрларини билдирди.

- "Ғиждувон" жамоасини ғалаба билан табриклайман. Ўйинга келадиган бўлсак, биринчи бўлимда кўплаб вазиятларимиз бўлди ва улардан фойдалана олмадик. Иккинчи бўлимнинг иккинчи ёки учинчи дақиқасида ҳам бирга-бир вазиятдан гол ура билмадик. Ушбу ўйинга яхши тайёрландик. Ўз майдонимизда кубок ўйинидан кейин бизда тайёргарлик учун етарлича вақт бўлди. Икки маҳалдан машғулот олиб бордик. Ҳатто Бухоро шаҳрига икки кун олдин етиб келдик. Тайёргарлик яхши бўлганди. Билмадим. Омад ҳам деб бўлмайди, ўзимиз мағлуб бўлдик. Бизга характер етишмади. 

- Ушбу мағлубият жамоага қандай таъсир кўрсатади деб ўйлайсиз?

- Мана бугун тўртинчи ўйиндирки, юта олмаяпмиз. Ҳозир бизда босим етарлича. Бугунги мағлубият ҳам йигитларга қаттиқ таъсир қилди. 

- Жамоадаги молиявий аҳвол қандай?

- Бизда барчаси жойида. Маошларни, мукофот пулларини вақтида оляпмиз. Ютсак бўлди, мукофот пули эртаси куни тушяпти. Молиявий томондан умуман муаммо йўқ. шунчаки жамоа юта олмаяпти. Барчамиз ғалаба учун ҳаракат қиляпмиз. 

- "Арал" жамоасига мақсад қўйилганми?

- Бу йил аниқ мақсадимиз йўқ. Лекин ўзимиз кучли бешталикка ҳаракат қиляпмиз. 

- Ҳозирги кетма-кет мағлубиятлардан кейин 5-ўринга ҳаракат қилса бўлади, деб ўйлайсизми?

- Олдимизда ўйинларимиз кўп, иккинчи давра шундай кутиб турибди. Биринчи давранинг энди ярми тугаяпти, деса бўлади. Ҳали вақт кўп, худо хоҳласа, ўз мақсадимизга етамиз, деб ўйлайман.

- Жамоа жуда кўп вазият яратмоқда, бироқ якунлаш унчалик яхши эмас. Бу нима билан боғлиқ? Тажрибасизлик деса, таркибда Саламат Қутибоев, Арислан Юсупбоев каби футболчилар бор.

- Саламат Қутибоев - ҳимоячи. "Арал" жамоаси ўтган йили очилди. Таркибда асосан маҳаллий ёшлар. Арисланни ҳисобламасак, таркибдаги қолган футболчилар асосан иккинчи лигадан саралаб олинган. Энди-энди улар катта чемпионатларни ўйнашяпти. Ўтган йили жамоа Биринчи лигада ўйнади, ҳозир эса Про-лигада. Йигитларда тажриба етишмаяпти, буни аста-секинлик билан орттириб боришмоқда. Бошқа йигитларда ҳам тажриба ва гол урадиган футболчи етишмади. Ўйинимиз зўр, вазиятлар ҳам бор, фақатгина гол йўқ. 

- Бугун жамоа бош мураббийи Неъматулло Қуттибоев ҳакамларга кўп эътироз билдирди. Ҳакамлик ҳақида нима дея оласиз?

- Ҳакамлар билан ишим йўқ. Уларнинг қўмитаси бор. Ҳакамларга бирор эътирозим йўқ.

Rating: +1   

Comments

championat.asia
< show latest news
Яндекс.Метрика