Ахбор Имомхўжаев хотира турнирига қуръа ташланди

Ахбор Имомхўжаев хотира турнирида аввал хабар берилганидек, 8 та жамоа иштирок этади: "Пахтакор" (фахрийлар), "Тонг" (фахрийлар), ЎФА (фахрийлар), "Журналист" (фахрийлар), шунингдек, Championat.asia, Sports.uz, "Шарҳловчи", "Сулола". 

Алоҳида айтиш жоиз, Ахбор Имомхўжаев бир неча йил мобайнида "Пахтакор"да фаолият юритгани боис ушбу жамоа фахрийлар жамоаси мусобақада қатнашмоқда. Шунингдек, "Сулола" жамоаси устоз журналист авлодларидан иборат таркибга эга.

Сал олдин "Бунёдкор" стадионида мазкур хотира турнирига қуръа ташланди. Унда жамоалар қайси турда ўзаро рақиб бўлиши масаласига ойдинлик киритилди.

Мусобақа тақвими

Мусобақа низомига кўра, фахрий жамоалар алоҳида, қолган тўрт жамоа алоҳида дастлабки уч кун давомида ўзаро майдонга тушади. Мусобақанинг сўнгги кунида эса гуруҳлардаги жамоалар ўзаро ўринлар учун саф тортади.

Аввалроқ жамоаларнинг мусобақа учун таркибларини эълон қилган эдик.