Австралия ҳимоячиси: "Месси – тарихдаги энг зўри, аммо унга қарши ўйнаш шараф эмас. У оддий инсон"

Австралияликлар ЖЧ-2022 1/8 финалида Аргентина билан ўйнашади.

"Афсуски, мен Мессининг ашаддий мухлисиман. Лекин мен унга ғалаба тилагандан кўра ўзим Жаҳон чемпионатида ғалаба қозонишни хоҳлайман.

Шубҳасиз, бу Мессининг Аргентина сафидаги сўнгги Жаҳон чемпионати бўлиши мумкин ва у мусобақада ғалаба қозониб, фаолиятини ўзининг энг юқори чўққисида тугатишни хоҳлайди. Бизнинг мотивациямиз бунинг олдини олишдир.

Мен ҳар доим Мессини яхши кўрганман. Менимча, у тарихдаги энг яхши футболчи. Бироқ унга қарши ўйнаш шараф эмас, чунки у ҳаммамиз каби оддий инсон. Жаҳон чемпионатининг 1/8 финалига чиқиш – бу шараф. Аргентина ёки Польша билан ўйнаймизми ёки йўқ, барибир 1/8 финалда Австралия сафида тўп тепиш мен учун фахрли бўларди", – деди Милош Дегенек.