Авер Мабиль: "Австралия шарафини ҳимоя қилаётганимдан афсусланмайман"

- Фаластин билан ўтган учрашув ҳақида фикрингиз, ғалаба осон қўлга киритилгандек бўлди
Фаластинга қарши баҳс яхши ўтди. Тўғри, баъзи камчиликлар бўлди, уларнинг устида ишлаймиз. Иорданиядан учралган мағлубиятдан тўғри хулоса чиқардик. Бугун рақибимиз жуда яхши ўйин кўрсатди, бироқ ҳужумда вазиятлардан унумли фойдаланганимиз учун шундай ҳисоб қайд этилди.
- Кенияда туғилиб, Австралия шарафини ҳимоя қиляпсиз...
- Ота-онам суданлик. Ҳозир бошқа мамлакат шарафини ҳимоя қилаётганимдан афсусланмайман. Бир кун келиб Суданда мураббийлик қилишни хоҳлайман.
Кения ҳақида тўхталадиган бўлсак, ота-онам бир қанча вақт Кенияда истиқомат қилишган, ўша пайтда мен дунёга келганман. 10 ёшга тўлганимда Австралияга кўчиб кетганмиз.
- Ҳозир Европа клубида ўйнаяпсиз. Австралия ва Европа футболидаги фарқларни айтиб бера оласизми?
- Европа футбол ватани ҳисобланади. Уларни бутун дунё томоша қилади. Тўғри, фарқ бор, аммо катта эмас. Австралия А-лигаси Европа клубларига ўтиш учун зина вазифасини ўтаб беради - дейди Авер Мабиль.