“Атлетико” хужумчиси Касильясни терма жамоага қайтишини хоҳламоқда
20 mar 2019 23:39
News
![](https://championat.asia/upload/storage/484588_original.jpg)
![](/upload/storage/484588_220.jpg)
“Атлетико” хужумчиси Касильясни терма жамоага қайтишини хоҳламоқда
Мадриднинг “Атлетико” клуби ҳужумчиси Альваро Мората “Порту” посбони Икер Касильяснинг жамоаси билан шартномани узайтирганлиги ҳақида ўз муносабатини билдириб, уни яна терма жамоада кўриш хоҳлашини айтди.
“Мен Касильяснинг термага қайтишини хоҳлардим. У ҳақиқий афсона. Шартномани узайтирганидан жуда ҳам хурсандман. Икер “Порту”нинг барча ўйинларида ўз маҳоратини намойиш этмоқда. Хоҳ у чемпионат учрашуви бўлсин, хоҳ у ЧЛ баҳси бўлсин.”, - дейди Мората.
Касильяс терма жамоадаги фаолиятини 2016-йилда якунлаган бўлиб, у Испания термаси тарихида энг кўп учрашувда майдонга тушган (167та) ва ғалаба қозонган (122та) футболчи ҳамда энг кўп қуруқ ўйин ўтказган (102та) дарвозабон ҳисобланади.
Эслатиб ўтамиз, испаниялик 37 ёшли посбон 2015-йилда “қироллик клуби”дан Португалия жамоасига келиб қўшилган. Унинг амалдаги шартномаси жорий йилнинг ёзига қадар мўлжалланганди ва клуб у билан яна бир йиллик келишувга эришди.
Link :
Source : fcporto.pt
Receive latest football news directly on your phone. Subscribe for our Telegram channel!
Similar news
17:03
Европа Лигаси янги мавсумига қуръа ташланди: МЮ "Порту" билан, "Тоттенхэм" "Рома" билан ўйнайди 4
![AMP Logo](https://championat.asia/image/logo-amp.png)
Comments