"Атлетико" собиқ устози Агирре: "Агуэрони "Атлетико Б"га юбормоқчи бўлганман"

"Бу 14 йил олдин бўлган эди. Тасаввур қилинг, у деярли 17 ёшли кичкина бола эди. У ҳамма нарса бошқача кечадиган Европанинг энг катта шаҳарларидан бирида эди. У пастгина эди, клуб эса унинг учун 20 миллион евро тўлаган.

Мен уни кўрдим ва Мигель Анхел (ижрочи директор)дан сўрадим: "Сиз шу болага шунча маблағ тўладингизми? У Ла Лига нима эканлигини тушунмаяпти, Европа ва Мадрид ҳақида ҳеч нарсани билмайди. 

Йигитча бошидан бошлаши керак эди. Фикримча у жисмоний ҳолат бўйича чемпионат стартига ҳам тайёр эмас эди.

Мен Мигель Анхелга айтдим: "Агар мен бу йигитчани бир ойга "Атлетико Б"га юборсам нима бўлади?

Мигель Анхель жавоб берди: "Улар сени ўлдиришади. Матбуот сени шунчаки ўлдириб ташлайди"

Серхио билан асосий нарсалардан бошладик. Тўпга эгалик қилиш бўйича у жамоанинг энг яхши ўйинчиси эди. Тўпсиз эса шунчаки мухлислардек ўйинни томоша қиларди. Шундай экан, биз тўпсиз ўйин устида ишладик. Аммо, у ўзгача эди. Жарима майдончасида, дарвозабон билан бирга-бир вазиятда у шунчаки қотил эди, умуман олганда топ, биринчи даражали ўйинчи эди", - дейди Агирре.

Эслатиб ўтамиз, Серхио Агуэро "Атлетико"да 2006-2011 йиллар давомида ўйнаган ва шундан сўнг "Манчестер Сити"га йўл олган.