"Атлетико" ҳимоячиси сафга қайтди

Мадриднинг "Атлетико" клуби ҳимоячиси Хосе Хименес умумий гуруҳ машғулотларига киришди, деб хабар берди AS.

Футболчи клуб ўйинларигача тайёр бўлиши керак.

Уругвайлик футболчи июль ойида жароҳат олган, бу эса уни жамоанинг мавсумолди машғулотларини ва Ла Лигадаги дастлабки 3 ўйинни ўтказиб юборишга мажбур қилганди. Ўтган мавсумда 28 ёшли марказий ҳимоячи Испания чемпионатида 28 та ўйинда иштирок этиб, 2 та гол урган.

"Атлетико" навбатдаги ўйинини 16 сентябрь куни сафарда "Валенсия"га қарши ўтказади.