“Атлетико” Фабрегасни текинга қўлга киритмоқчи

Фабрегаснинг “Челси” клуби билан имзолаган шартномаси 2019 йилнинг ёзида якунига етади. Сеск “артистократлар”ни эркин агент сифатида тарк этиши мумкин. 

Аниқроғи, 1 январь куни исталган клуб Фабрегас билан шахсий шартномани имзолаб қўйиш ҳуқуқига эга бўлади. Бу ҳолатда эса ярим ҳимоячи ёзги трансфер бозори очилиши билан текинга ўша жамоа сафига бориб қўшилади. Ҳозирча “Челси” раҳбарияти шартномани узайтириш бўйича таклиф бермаяпти. 

Mirror нашри берган хабарга кўра, Сеск Фабрегасга “Атлетико”дан ташқари “Милан” ва “Севилья” клублари ҳам қизиқиш билдирмоқда. Футболчи янги мураббий Маурицио Сарри қўл остида Англия Премьер-лигасининг 8та ўйинидан 3тасида майдонга тушди, шунда ҳам захирадан.