Latest news

02:00Месси фаолияти ҳақида: "Бунинг якуни яқинлашиб келмоқда"  0 01:45ЖЧ-2026 саралаши. Гаттузонинг дебютида Италиядан йирик, Франциядан ишончли ғалаба ва бошқа натижалар  0 01:19ОКМК назорат ўйинида Про-лига жамоасини икки марта мағлуб қила олмади  0 00:58Урмат Абдукаимов: "Ҳакамларнинг қарорлари футболчиларнинг фаолиятига катта таъсир ўтказади. Ҳакамлар ҳам шуни билиши ва ҳис қилиши керак"  5 00:47"Навбаҳор" ўртоқлик ўйинида "Нефтчи"ни мағлуб этди  3 00:23Лаутаро ЕЧЛ финалидаги мағлубият ҳақида: "5 кун гапира олмаганман"  0 23:45Лотар Маттеус: "Германия жуда ёмон ўйнади. Ҳисоб 5:0 бўлиб кетиши ҳам мумкин эди"  0 23:24Тимур Кападзе: "Жаҳон чемпионати учун аниқ режа? Барчаси ҳал бўлгунча кутиш керак"  16 22:55"Барселона" Ромеу клубдан кетганини маълум қилди  0 22:36"Реал" мухлислари жамоанинг август ойидаги энг яхши футболчисини танлаб олди  0 22:13ЛаЛига "Барселона"га рухсат берди  1 21:45CAFA Nations Cup. Ўзбекистон – Қирғиз Республикаси 4:0  23 21:26CAFA Nations Cup. Ўзбекистон 10 киши бўлиб қолган Қирғиз Республикасини йирик ҳисобда енгди. Финалдаги рақиб – Эрон  236 21:10Ўмон терма жамоаси мураббийи: "Кўплаб вазиятлар яратдик, аммо бор-йўғи иккита гол урдик"  11 20:54Ровшан Мередов: "Ушбу мусобақа орқали мундиаль иштирокчисига қарши ўйнадик"  5

"Атлетико" барибир Гризманни "Барса"дан харид қилади — аммо, 40 миллионга эмас, 20га. Ортиқ 60-дақиқадан сўнг майдонга туширишлар бўлмайди (мутолаа учун) News

"Атлетико" барибир Гризманни "Барса"дан харид қилади — аммо, 40 миллионга эмас, 20га. Ортиқ 60-дақиқадан сўнг майдонга туширишлар бўлмайди (мутолаа учун)

"Барса" катта эҳтимол билан бундан хурсанд бўлмади.


"Атлетико" ва "Баселона" Антуан Гризманнинг тўлиқ трансфери борасида келишувга эришишга яқинлар. Клублар тез орада французнинг 20+2 млн евролик трансфери борасида шартнома имзолашади — бу ҳақда Relevo хабар бермоқда ва маълумотни Marca тасдиқламоқда.


Гризманнинг ўзи маошининг 30%га тушиши билан янги узоқ муддатли шартнома имзолайди — йилига 7 млн еврогача. Келишувга эришишда асосий факторлар Диего Симеоне ва Антуаннинг ўзи бўлди.


Сентябрь ойида Гризманнинг атрофидаги вазият ва унинг Мадрид клубидаги ўйин амалиёти билан боғлиқ гап-сўзлар кўп янгради — "Барса" ҳатто "Атлетико" билан судлашишга тайёр эди.


Контекстни эслатамиз.


"Атлетико" "Барса" 40 млн евролик харид қилиш ҳуқуқини тўламаслик учун Гризманни 60-дақиқадан сўнг туширди. Каталонияликлар судга мурожаат қилиш билан таҳдид қилди



Гризманн ушбу мавсум деярли барча ўйинларда 60-дақиқадан сўнг майдонга тушди. Фақатгина Ла Лигадаги "Реал" ва ЧЛдаги "Брюгге" билан ўйин истисно бўлди — Антуан уларда тўлиқ 90 дақиқа ҳаракат қилди.


Гап "Барса" ва "Атлетико" ўртасидаги ижарага келишувидаги шартларда эди. "Атлетико" Гризманни агар ўйинчи клубдаги икки мавсум давомида 50% ўйинларда камида 45 дақиқада ҳаракат қилса, 40 млн еврога харид қилишга мажбур эди. Инсайдер Фернандо Полонинг қўшимча қилишича, илк мавсумдаги 50% ўйинлар ижаранинг яна бир мавсумга автоматик узайтирилишига олиб келди.


Симеоне Гризманнинг 60-дақиқадан сўнг тушиши клубнинг қарори эканлигиги шаъма қилди, президент Энрике Сересо эса маъсулиятни аргентиналикка ағдарди.


"Антуан — ажойиб ўйинчи ва у биз билан эканлигидан жуда ҳам мамнунман. У ажойиб инсон ва менда у билан ажойиб муносабатлар бор. Мен фақатгина унинг зўр ўйинчи ва биз билан эканлигини айта оламан. Мен ҳеч қачон таркиб ёки шундай турдаги масалалар билан шуғулланмайман", — деб айтди президент Сересо.


Антуаннинг ўзи хавотир олмади ва шунчаки жамоага фойда келтирмоқчи бўлди.


"Ҳаммаси борича. Бу менинг қўлимда эмас. Мен Худодан шу ерда эканлигим учун миннатдорман. Оилам бахтли. Албатта, кўпроғини хоҳлардим, аммо олаётган барча дақиқаларимга боримни бермоқчиман. Ўзимни клуб инсонидек ҳис қиляпман. Бу ерда бахтлиман ва шунчаки ўйнашни, клуб, мураббий ва мухлислар учун барчасини беришни хоҳлайман", — деб тан олди ўйинчи "Порту" билан ўйиндан кейин.



"Барселона"ни эса бу вазият чўчитди. ESPN'нинг ёзишича, клуб "Атлетико"нинг ҳозироқ Гризманн учун 40 млн евро тўлашга мажбурлигини ёзмоқда, сабаби у ўтган мавсум 37та ўйиндан 30тасида 45 дақиқадан ортиқ ўйнаган. Ижара келишувининг аниқ юридик томонлари номаълум эди — "Барса" шунчаки унда ҳаракат қилиш учун сабаб борлигига шаъма қилди.


"Атлетико" эҳтимолий даъво ҳақидаги маълумотлар чиқишини босим қилишга уриниш деб ҳисоблади. Гризманнинг 60-дақиқадан сўнг майдонга чиқиши эса ҳеч қандай тарзда исботлаб бўлмайдиган ёки инкор этиб бўлмайдиган техник ечим сифатида тушунтирилади.


El Larguero нашри каталонияликларнинг даъво тайёрлашаётганини ёзди. "Барса" Антуанни қайтаришни хоҳламади, сабаби унинг йилига 20 млн евролик маоши қаттиқ лимит шартларида муаммо бўларди. "Атлетико" ўйинчи жорий мавсум сўнггида 32 ёшни қаршилайдиган ўйинчи учун 40 млн евро тўлашдан чўчиди ва нархни 15 млн еврогача туширмоқчи бўлди.


Вазиятга ҳатто Ла Лига президенти Хавьер Тебас ҳам қўшилди: "Керакли орган буни ҳал қилсин. Бундай ҳолат биринчи марта содир бўлаётгани йўқ. Муаммо арбитраж судига юборилди ва айнан шу даражада ҳал этилиши керак. 6 ойдан сўнг шикоят қилишини мумкин бўлмаган қарор қабул қилинади".


Суд қарорини кутишга тўғри келмади — клублар ўртасидаги музокаралар муваффақиятли ўтди. "Атлетико" ниҳоят Гризманндан чекловларсиз фойдаланиши мумкин.




→ Гризманн яна 60-дақиқадан сўнг майдонга чиқди. "Барса" судга боришга тайёр




Алишер Остонов

Author : Alisher
Rating:    

Comments

championat.asia
< show latest news
Яндекс.Метрика