"Аталанта" устози "Ливерпуль"дан учралган мағлубият ҳақида: "Классдаги фарқ жуда катта эди"
04 nov 2020 18:03
News

"Аталанта" устози "Ливерпуль"дан учралган мағлубият ҳақида: "Классдаги фарқ жуда катта эди"

Кеча тунда ЕЧЛ 3-тури доирасида "Аталанта" жамоаси ўз майдонида "Ливерпуль"ни қабул қилди ва 0:5 ҳисобида имкониятни бой берди.

Баҳсдан сўнг италияликлар устози Жан-Пьеро Гасперини рақиб анча яхши ўйнаганини айтиб ўтди.

"Ўтган мавсум "Манчестер Сити"га йирик ҳисобда мағлуб бўлгандик ва ҳаммамиз ўйлашимиз керак бўлган нарсалар бор эди. Ўйинимизни ўстиришимиз керак эди. Бугун классдаги фарқ жуда катта эди. Тактика ва жамоавий ўйин устида ишлашимиз керак эди, лекин рақиб шунчаки биздан яхшироқ эди.
Кўрамиз, кейинги ўйинларимиз қандай кечаркин. Биз ўз устимизда ишлаш учун вақт бор. Охирги вақтларда кўп гол ўтказиб юборяпмиз ва кам уряпмиз. Биз етарлича югурмаяпмиз. Бу нарсалар устида ишлашимиз зарур", - дея Гасперинининг сўзларини келтирди УЕФА расмий сайти.