"Астон Вилла" "Челси" хавбеки трансфери устида ишламоқда

Бирмингемнинг "Астон Вилла" клуби "Челси" ярим ҳимоячиси Конор Галлахер трансферига қизиқмоқда, дея хабар берди "The Guardian".

Хабар қилинишича, клублар аллақачон музокараларни бошлашган. "Вилланлар" бош мураббийи Унаи Эмери 24 ёшли Галлахерни шахсан жамоада кўрмоқчи. Хавбекнинг ўзи клубини тарк этишга шошилмаяпти, лекин таклифларни тинглашга тайёр. "Челси" ҳали у билан шартномани узайтириш борасида келиша олмади. "Астон Вилла" келишувга 20 ёшли ҳужумчи Жон Дюранни ҳам қўшиши мумкин.

Конор Галлахер жорий мавсум "Челси" сафида 50 ўйин ўтказиб, 7 та гол урди ва 9 та голли узатмани амалга оширди.