Асрорбек Тилаволдиев: "Ифтихор" жамоаси ўзини тиклаб олди"
05 nov 2018 17:12
News

Асрорбек Тилаволдиев: "Ифтихор" жамоаси ўзини тиклаб олди"

Про-Лига 33-туридан ўрин олган "Ёзёвон-Лочинлари"-"Ифтихор" (1:2) учрашувидан сўнг меҳмонлар футболчиси Асрорбек Тилаволдиев "Championat.asia" сайтига интервью берди.

Дербилар бежизга футбол мухлислари эътиборини қозонмаган. Чунки, дерби мақомида ўтадиган учрашувлар ҳар доим шиддатли ва томошабоп тарзда кечади. Бугун ҳам "Ёзёвон-Лочинлари"-"Ифтихор" жамоалари ўртасидаги Фарғона вилояти дербиси ажойиб, мухлисларга ёқадиган тарзда шиддатли бўлди деб айта оламан. Гарчи учрашувда бир оз устунлик мезбонлар томонида бўлган бўлсада, биз юзага келган вазиятлардан унумли фойдаланиб, ғалаба қозондик. "Ифтихор" жамоаси ўзини тиклаб олди, биз кетма-кет учрашувларда ғалаба қозоняпмиз. Насиб этса қолган турларда ҳам ғалаба қозониб, жамоамиз мухлисларини хурсанд қиламиз - дейди Асрорбек Тилаволдиев.

Бекзод Толибов ёзиб олди.