Асрор Алиқулов: "Ўйиннинг сўнгги дақиқаларигача асабий ҳолатда бўлдик"

Ўйин ҳақида

- Биринчи навбатда биз анчадан буён ғалаба қозона олмай келаётгандик. Бугун биз учун ғалаба зарур эди. Дастлабки дақиқаларданоқ ўйин тизгинини назоратга олишга уриндик. Биринчи бўлим охирларига келиб ўйинимиз сустлашди ва меҳмонларда ҳам имкониятлар юзага кела бошлади. Иккинчи бўлимда йўл қўйилган хатолардан хулоса чиқариб ҳаракат қилдик. Аммо 11 метрлик жарима зарбасини голга айлантира олмадик. Бутун мураббийлар штаби ва жамоа аъзоларини ва мухлисларни асабий холатда ушлаб турдик деб айтсам тўғри бўлади.

- Жамоа вазиятларни кўп яратди, аммо уларнинг барчасидан ҳам фойдалана олмади. Бунинг сабабини қандай изохлайсиз?

- Йил бошида Муҳриддин Зоиров эндигина профессионал футболга кириб келганида сизлар унинг ҳаракатларидан қониқмасдан кўп савол берардинглар. У билан кўп ишладик, голлар ура бошлади. Бироқ орада ўз имкониятлари доирасида ўйнай олмай қолди. Ҳозир аввалги холатига қайта олмаяпти. Ўзига боғлиқ, яхши ҳаракат қилиши керак. Балки юлдузлик касаллигига учради десак тўғри бўлар. Ҳужумкор футболчи билан ўйнасак, марказ очилиб қолиши мумкин. "Ғиждувон" тўпни яхши назорат қила олади, шу сабабдан биз ўйинга шу услубни танладик.