Асрор Алиқулов: "Битта вазият ўйин тақдирини ҳал қилди"
09 oct 2020 19:53
News

Асрор Алиқулов: "Битта вазият ўйин тақдирини ҳал қилди"

Про лиганинг 8-туридан ўрин олган "Истиқлол" - "Шўртан"(1:0) учрашувидан сўнг меҳмонлар бош мураббийи Асрор Алиқулов фикрларини билдириб ўтди.

"Ўйинни оғир кечишини билгандик. "Истиқлол" қайтганидан сўнг вилоят ҳокими томонидан қўллаб-қувватланяпти. Улар бугун бизнинг ҳужумларимизни кўпроқ кичик фоллар орқали тўхтатиб, ортга қайтиб ўйинни давом эттиришди. Рақибга бўш ҳудудлар бермасликни футболчиларга айтгандик. Ушбу учрашувга техник ва тезкор фикрлаш борасида яхшироқ тайёргарлик кўришимиз талаб этиларди. Рақиб ҳимоя ва ҳужум чизиғида бўйдор футболчилар бор. Шу сабабли қисқа паслар билан ўйнашни йигитларга айтгандик. Бугун битта вазият ўйин тақдирини ҳал қилди. Биз биринчи бўлиб тўп киритганимизда ўйин бошқача кечар эди.
"Истиқлол"нинг тарқалиб, сўнг қайтганлигини ҳисобга олганда сенсация дейиш мумкин. Водийга қандай кучли жамоа келишидан қатъий назар, етарлича қаршиликка дуч келади.
Навбатдаги турда "Нефтчи" билан ўйин ҳам бугунгига ўхшаб кетиши мумкин. Футболчиларнинг маҳорати борасида "Нефтчи" бугунги рақибимизга қараганда устун. Кейинги ўйинни ютиш учун бугунги учрашувда бажарган ишларимиздан кўпроғини қилишимиз керак",- дейди Асрор Алиқулов.

Link :

Source : championat.asia

Receive latest football news directly on your phone. Subscribe for our Telegram channel!

Rating: +1