Асқар Умаров: "Кейинги мавсумда таркибимиз ўзагини ҳозирги футболчилар ташкил қилади"
11 oct 2021 17:27
News

Асқар Умаров: "Кейинги мавсумда таркибимиз ўзагини ҳозирги футболчилар ташкил қилади"

Жиззахнинг "Зомин" жамоаси Биринчи лиганинг 21-турида ўз майдонида "Чиғатой"ни мағлуб этди ва расман мусобақа ғолиблигини қўлга киритди.

Қўлга киритилган чемпионликдан сўнг "Зомин" жамоаси бош мураббийи Асқар Умаров фикрларини билдириб ўтди.

"Зоминда катта байрам, дея оламан. Мухлислар олдида юзимиз ёруғ бўлди. Қилган меҳнатларимизни самарасини кўрдик. Мақсадларимизга эришдик. Йигитларга барча кўрсатмаларни бажаришгани учун раҳмат айтаман. Мавсум давомида ёрдамини аямаган раҳбариятимизга миннатдорчилик билдираман. Тўсиқлардан йўл топиб шу кунгача етиб келдик.
"Чиғатой" билан учрашувга келсак, голларга бой ва мухлисларга ёқадиган ўйин гувоҳига айландик. "Чиғатой" жамоасига ҳам раҳмат айтаман. Улар ҳам охиригача ҳаракат қилдик. Маҳорат ўз сўзини айтди. Келаси йилга беш олти нафар футболчи олишимиз керак. Лекин таркиб ўзагини ҳозирги футболчилар ташкил қилади. Биргаликда яхши натижаларга эришамиз",- дейди Асқар Умаров.

Link :

Source : championat.asia

Receive latest football news directly on your phone. Subscribe for our Telegram channel!

Rating: +1