Асқар Умаров: "Ғалабага тенг дурангга эришдик"

- Ўйин ҳақида

- Ўйин ва чиройли муҳит учун раҳмат. "Локомотив" жамоасига кейинги ўйинларда омад тилаймиз. 

Очиқ ўйин гувоҳига айландик. Айниқса, иккинчи тайм ёрқин кечди. Ғалаба қозонишга ҳаракат қилдик. Озгина хатолар кузатилди. Йигитлар босимга дош беролмагани боис хато қилдик ва рақиб бундан фойдаланиб қолди. Умуман олганда, ғалабага тенг дурангга эришдик.

- Дониёр Усмонов биринчи таймда "Локо" ҳимоячиларини қийин ҳолатга солиб қўйди. Уни нега алмаштирдингиз?

- Уни жароҳат олгани туфайли ўзгартиришга мажбур бўлдик.  

- Учрашув охирида жуда қулай имконият юзага келди. Бугун жамоангиз ютиб кетиши мумкин эди. "Зомин" Про лигада 5 ўйинда 5 очко олди. Икки хил мусобақада турлича иштирок... Бу нима билан боғлиқ?

- Йигитларимиз ўйинда ўйинга ривожланиб боришмоқда. Янги мураббийлар иш бошлашди. Машғулотларда ҳам астойдил ишлаяпмиз. Про лигада кучли жамоаларга қарши ўйнадик, аммо яхши натижалар кўрсатдик. Худо хоҳласа жамоа билан олдимизга қўйган мақсадимизга эришамиз.

- Агар барча вазиятлардан унумли фойдаланилганда, бугунги ўйин ҳисоби қандай кўриниш олган бўларди?

- "Локомотив"да жуда кўп имкониятлар юзага келди. Дарвозабонимиз ҳам яхши ўйнаб берди. Ўйлайманки, ҳисоб 5:5 бўлган бўларди.