Артём Филипосян жамоаси Таиланд лига Кубоги ғолибига айланди

"Прачуап" мамлакат лига Кубогида зафар қучди. Клуб финалгача "Тонбури Университети" ва "Полис Теро" жамоаларини таслим этди. Филипосян тўп тепаётган клуб соврин учун кечган баҳсда "Бурирам Юнайтед" билан куч синашди. Асосий вақт 1:1 ҳисобида якунланди. Қўшимча бўлимларда ҳам ғолиб аниқланмагач пенальтилар сериясига мурожаат қилинди. Омад "Прачуап"га кулиб боқди.

Артём Филипосян ва унинг жамоадош ҳамда мураббийларига соврин ҳомийси номи туширилган медаллар тақилди.

Эслатиб ўтамиз, "Пахтакор" сафида бир неча мавсумни ўтказган Аднан Ораховац ҳам "Прачуап" шарафини ҳимоя қилади.