Артуро Видаль катта гапириб юборди

- "Бавария"дек жамоа барча мусобақаларда ғолиб бўлмоғи лозим. Шу боисдан ҳам жамоа таркибида юқори малакали футболчилар йиғилган. Ўйлашимча, 2017 йил тўлиқлигича "Бавария"га аталади. Бу йил бизнинг йилимиз бўлади.

Артуро Видаль фаолиятини "Бавария"да якунлаши мумкинлигига ҳам шаъма қилди.

"Фаолиятимни "Баария"да якунлашим мумкин. Мен ўзимни бу ерда жуда эркин ҳис қиляпман. Мюнхендаги барча нарса мени қониқтирмоқда. Шу сабадан ҳам фаолиятимни бошқа ерда тугатаман, дейишим қийин. "Бавария"да ўзимни худди уйдагидек ҳис қиламан", - дейди Артуро Видаль.

Кўринишидан Видаль Карло Анчелотти қўл остида ушбу мавсумда требл қайд этишларига ишонмоқда. Ҳар холда ўтган йили Видаль бу каби катта гапириб, ваъдаларни бермаганди. Анчелотти ҳам Европа чемпионлар лигасида зафар қуйишларига ишонишини айтиб ўтганди. Германия чемпионати ва Германия кубогида "Бавария" яққол фаворит саналади.

"Бавария"нинг иштаҳаси карнай, мухлислари эса сурнай чалишга тараддуд кўришмоқда, шекилли...

Нима ҳам дердик "яхши ният, ярим мол", дейдику...

Эслатиб ўтамиз, Артуро Видаль 2015 йилда "Бавария" сафига келиб қўшилганди. Футболчининг "Бавария" билан тузган шартномаси 2019 йилга қадар мўлжалланган.

Чили терма жамоаси футболчиси ушбу мавсумда "Бавария" таркибида 18та учрашувда майдонга тушди ва бир маротаба гол киритди. Футболчи ўтказилган 18 ўйиндан тўрттасида огоҳлантириш олган.