Артур Парванов билан Шерзод Шарипов “Норин”да
25 jan 2016 20:12
News

Артур Парванов билан Шерзод Шарипов “Норин”да

Ҳаққулободнинг “Норин” жамоаси ҳам янги мавсумга тайёргарликни бошлаб юборган. Жамоага яқинда Равшан Бозоров бош мураббий этиб тайинлангани ҳақида хабар бергандик.

Айтишларича таркибга ўз вақтида олий лигада ўйнаган Артур Парванов билан Шерзод Шарипов ҳам келиб қўшилган. Бу бежиз эмас албатта. Чунки илгари ушбу футболчилар Бозоров билан бирга “Локомотив”да ўйнаган. Дарвозабон Парванов ўтган йили қўшни Қирғизистонда Ўшнинг "Олой" жамоасида ўйнаганди. Шарипов эса "Шўртан" шарафини ҳимоя қилган. Булардан ташқари мухлисларимизга яхши таниш бўлган ва ўз вақтида “Андижон”, “Нефтчи”, “Машъал” ва “Қизилқум” каби клубларда ўйнаган Анвар Абдуқодиров ҳам айни дамда жамоа йиғинида иштирок этмоқда. Яқин орада Фарруҳ Нурлибоев ҳам келиши мумкин. Айтиш керакки, “Норин” эртага “Ёзёвон-Лочинлари” билан назорат учрашувида майдонга тушади.

Link :

Source : championat.asia

Receive latest football news directly on your phone. Subscribe for our Telegram channel!

Rating: +2