Артур Геворкян: “Жамоадошларимга миннатдорчилик билдираман”

Туркманистонлик футболчи клуб веб-сайтига тадбир таасуротлари билан ўртоқлашди.

"Бу мен учун футболчилик фаолиятимдаги энг муҳим совринлардан бири бўлди, десам адашмаган бўламан. Қолаверса, бир неча йиллардан буён Ўзбекистон чемпионатида тўп тепаётган бўлсамда, бу каби нуфузли номинацияда илк марта ғолиб чиқдим. Албатта, бундан жуда хурсандман. Бунинг учун биринчи навбатда жамоадошларимга, клубмиз мураббийлари ва раҳбариятига миннатдорчилик билдираман.

Футбол  - жамоавий ўйин. Бу албатта уларнинг ҳам ютуғи деб ҳисоблайман.  Қолаверса, мени ҳар доим қўллаб қувватлаб турган оилам, мухлисларга катта раҳмат дейман. Бу каби эътироф зиммамиздаги масъулиятни янада оширади. Насиб этса, янги мавсумда янги ғалабалар билан барчани хушнуд этишга ҳаракат қиламан".

Ўз навбатида Геворкян бугун ўтказилган қуръа маросими ҳақида ҳам тўхталиб ўтди.

"Умуман олганда ҳар йили жамоамиз чемпионлик учун кураш олиб боради ва бу борада ҳар сафар яхши имкониятларга эга бўламиз. Албатта, керакли натижаларни қўлга киритишимиз ўзимизга боғлиқ. 2014 йилги мавсумни бир маромда ўтказиб, керакли натижаларни қўлга киритиш учун илк турлардан бошлаб муносиб ҳаракат қилишга интиламиз.  Албатта, жамоамиз мухлислари ҳам стадионни тўлдириб, ҳар бир ўйинда бизни олқишлаб туришса, ўйлайманки мақсадга эришамиз".