"Артета эффекти": Райс "Арсенал"да олдинги фаолиятидагидан кўра кўпроқ гол урди
20 may 2025 11:45
News

"Артета эффекти": Райс "Арсенал"да олдинги фаолиятидагидан кўра кўпроқ гол урди

"Арсенал" Англия Премьер-лигасининг 37-турида "Ньюкасл"ни қабул қилиб, 1:0 ҳисобида ғалаба қозонди.

Ягона гол "канонирлар" ярим ҳимоячиси Деклан Райс томонидан урилди.

Бу гол 26 ёшли ярим ҳимоячи учун "Арсенал"даги 16-си бўлди. Бу унинг "Вест Хэм"даги бутун фаолияти давомида киритган тўпларидан ҳам кўп, дея хабар берди "Squawka".

Райс "Арсенал" сафида 102 ўйин ўтказиб, рақиб дарвозасини 16 марта ишғол қилди. Англиялик футболчи "Вест Хэм" либосида 245 ўйин ўтказиб, 15 та гол урган.

Деклан "Арсенал"даги иккинчи мавсумини ўтказмоқда. У 2013 йилдан 2023 йилгача "Вест Хэм" тизимида бўлган.

Райс 2023 йилнинг ёзида Лондоннинг бир клубидан бошқасига ўтганди. Келишув суммаси 116 млн еврони ташкил қилган. Бу "Арсенал" тарихидаги энг қиммат трансферга айланган.

Link :

Source : Squawka

Receive latest football news directly on your phone. Subscribe for our Telegram channel!

Rating: +6