Артета АПЛ ёки ЕЧЛдан қайси бирини ютишни кўпроқ хоҳлайди?

Журналистлар "Арсенал" клуби бош мураббийи Микель Артетадан АПЛ ёки ЕЧЛдан қайси бирини ютишни кўпроқ хоҳлаши ҳақида сўрашди.

"Мени омадим бор, чунки мендан ҳеч ким икки турнирдан бирини танлашни талаб қилмайди. Мени бундай ҳолатга ҳеч ким қўймайди. Мавсум бошида бизда тўртта турнир бор, уларни барчасида иштирок этамиз ва якунда қандай бўлишини вақт кўрсатади", -дейди Микель Артета.

Маълумот учун, "Арсенал" ЕЧЛ 1/8 финалининг жавоб ўйинида ПСВга қарши майдонга тушади. Биринчи баҳсда Артета шогирдлари кейинги босқич масаласини деярли ҳал қилишганди.