Арслонмурод Омонов Туркманистон терма жамоаси сафида гол урди
14 dec 2018 16:35
News

Арслонмурод Омонов Туркманистон терма жамоаси сафида гол урди

Туркманистон терма жамоаси Осиё Кубогига тайёргарликни давом эттирмоқда.

Язгули Хожагелдиев бошчилигидаги Туркманистон терма жамоаси Анталиядаги дастлабки йиғинни якунлади. Бу ҳақда Туркманистон футбол Федерацияси расмий сайти хабар берди.

Осиё Кубогидаги гуруҳдошимиз куни кеча Эроннинг "Трактор Сози" клуби билан назорат учрашувини ўтказди. Унда қўшниларимиз 4:1 ҳисобида ғалаба қозонишди. Ғолиб жамоа сафида голларга Мурат Аннаев, Арслонмурод Омонов, Ата Гелдиев ва Дидар Дурдиев муаллифлик қилишди.

Эслатиб ўтамиз, ушбу йиғин доирасида Туркманистон бундан олдин Туркиянинг "Аланьяспор" клубини 4:0 ҳисобида мағлуб этганди.

Энди рақибимиз 18-30 декабрь куни яна Анталияда йиғин ўтказади.