"Арсенал" ёзда Юри Тилемансни текинга қўлга киритади

25 ёшли бельгиялик футболчи ўтган йили "тулкилар" билан битимининг охирги йилига кирганидан "Арсенал"дан жиддий қизиқиш бўлган эди. "Лестер" плеймейкерига ёпишиб олгани учун трансфер амалга ошмаган эди. "Манчестер Юнайтед" ҳам Тилемансни ўзиники қилишни истайди. Футболчи яқин орада келажагини қайси жамоа билан боғлаш борасида қарор қилади. Бироқ манба Микель Артета бошқарувидаги "Арсенал"ни фаворит деб ҳисобламоқда. Тилеманс кейинги трансферлар ойнасида Артета шорт-листида бўлади.

Юри Тилеманс 2019 йилда "Монако"дан ижара асосида "Лестер"га ўтган эди. У олти ой ўтгач, 32 млн фунтга АПЛ вакили билан доимий битимга имзо чекди.