"Арсенал" яна Эрик Гарсияни сотиб олишга уриниб кўради

Англия Премьер-лигаси вакили Каталония клуби ҳимоячиси Эрик Гарсияга қизиқиш билдирмоқда. 

Микель Артета январь ойида марказий ҳимоячини қўлга киритиш учун ҳаракат қилиб кўрганди. Бироқ қутболчининг ўзи "Эмирейтс"га кўчиб ўтишдан бош тортди. "Тўпчилар" 22 ёшли ўйинчини ёзда кўндиришга умид билдирмоқда.

"Кўк-анорранглилар" яқиндагина "Атлетик" ҳимоячиси Иньиго Мартинес билан оғзаки келишувга эришгани маълум қилинди. Бу эса келаси мавсумда жамоанинг ушбу нуқтасида рақобат юзага келишини билдиради. Жорий мавсумда мураббий Хави Эрнандес томонидан Ла Лигада 11 ўйинни бошланғич таркибда бошлаган Гарсия майдонда кўпроқ ҳаракатланишни истайди. Футболчи бу ҳолат кейинги мавсумда такрорланишини хоҳламайди. Шу сабабли "Арсенал" юқоридаги сабаблар Гарсияни Англияга йўл олишига туртки бўла олади, деб ишонади.

Испания терма жамоаси аъзоси 2021 йилда "Манчестер Сити"дан текинга "Барса" сафига келиб қўшилган ва 5 йиллик шартномага имзо чеккан.