"Арсенал" собиқ футболчиси юраги билан боғлиқ муаммолар туфайли касалхонага ётиб чиқди
29 may 16:03
News

"Арсенал" собиқ футболчиси юраги билан боғлиқ муаммолар туфайли касалхонага ётиб чиқди

Дортмунднинг "Боруссия", Лондоннинг "Арсенал" клублари ва Чехия терма жамоаси собиқ ярим ҳимоячиси Томаш Росицки ўтган ҳафта юракдаги муаммолар туфайли зудлик билан реанимация бўлимига ётқизилганди.

Клубнинг ўзи 44 ёшли собиқ футболчи ва Праганинг "Спарта" клубининг амалдаги спорт директори ҳолатини тасдиқлади. Расмий баёнотда таъкидланишича, жарроҳлик амалиёти талаб қилинмаган ва Росицки ўтган ҳафта охирида шифохонадан чиққан.

"Бу ҳолат мени саломатликка янада масъулиятли муносабатда бўлиш зарурлиги ҳақида ўйлашга мажбур қилди. Носоғлом турмуш тарзи, жисмоний фаолликнинг этишмаслиги ва оилавий мойиллик роль ўйнади", – деди Росицки.

У тўлиқ тузалиб кетишини кутаётгани, аммо спорт директори вазифасини тўлиқ бажаришга ҳали тайёр эмаслигини таъкидлади.

Link :

Source : sparta.cz

Receive latest football news directly on your phone. Subscribe for our Telegram channel!

Rating: +4