"Арсенал" Мудрик учун "Шахтёр"га 50 миллион евро ва бонуслар таклиф қилди

"Арсенал"нинг Михаил Мудрик бўйича таклифи тафсилотлари маълум бўлди.

Олдинроқ "канонирлар"нинг барча бонуслар билан яхшиланган таклифи 70 миллион евро эканлиги айтилганди.

Инсайдер Фабрицио Романонинг сўзларига кўра, бу суммага 50 миллион евро кафолатланган тўлов ва бошқа бонуслар киради. Ҳозирда клублар трансфер бўйича тўғридан-тўғри музокаралар олиб бормоқда.

Агар украиналик футболчининг трансфери амалга ошмаса, "Челси" бу масалага аралашмоқчи.

Ушбу мавсумда вингер УПЛда 12 та ўйинда майдонга тушиб, 7 та гол урди ва 7 та голли узатмани амалга оширди. Шунингдек, у Чемпионлар Лигасининг 6 ўйинида 3 та гол урди ва 2 та голли пас узатди.