"Арсенал" 80 млн. евролик футболчи учун "Челси" билан курашади

Маълумотларга кўра, Микель Артета марказий ҳимоячи сотиб олишни сўраган ва "Арсенал" бор эътиборини "Спортинг"даги Усмон Диоманде номзодига қаратган.

Клуб 20 ёшли футболчини 2023 йилнинг ёзидан бери кузатиб келмоқда. Ўтган йили "Спортинг" "Арсенал"нинг 30 млн. евролик таклифини рад этган эди.

"Арсенал" футболчининг агенти ва Португалия клуб раҳбариятига музокараларни тез орада бошлашини маълум қилган.

Футболчининг шартномаси 2027 йилгача мўлжалланган ва битимдаги товон пули 80 млн. еврони ташкил қилади.

Олдинроқ, "Челси" ҳимоячи учун 60 млн. евро ва бонуслар таклиф қилган эди. "Арсенал" ҳам ҳудди шунча маблағ ва бонуслар таклиф қилмоқда.