Арсен Венгер видеотакрор ҳақида тўхталди

“Мен 2006 йилги Чемпионлар лигаси финалида “Барселона” киритган биринчи голни танлаган бўлардим. Ўшанда “офсайд” бор эди ва биз зйин якунланишига 30 дақиқа қолганидад 1:0 ҳисобида олдинда бораётган эдик.

Биласиз, менга айнан ушбу мусобақа бош соврини етишмайди ва ўша гол урилган эпизод энг муҳим ҳолат эди.

Иккинчи ҳолат ҳам “Барселона” билан 2011 йилги учрашувда Робин ван Персига кўрсатилган иккинчи сариқ карточка билан боғлиқ. Биз жуда кучли рақибга қарши баҳс олиб бораётган эдик. Ўшанда ҳакаамнинг қарорини қабул қилиш жуда оғир эди. Ван Персининг четлатилиши бизнинг имкониятларимиза нуқта қўйган эди.

Ва мен яқиндагина бўлиб ўтган яна бир ҳолатни эслаб ўтмоқчиман. “Бавария” билан Чемпионлар лигаси учрашувида Косельнини четлатиб, дарвозамига пеналти белгиланган вазиятда Левандовски офсайдда турган эди. Ёдимга тушган вазиятлар шулар, балким мен бошқа яна кўплаб шунга ўхшаш вазиятларни эслай олмагандирман”, дейди Венгер.