Арсен Венгер: «УЕФАдан сафардаги гол қоидасини бекор қилишни сўрадим»
22 dec 2013 09:20
News

Арсен Венгер: «УЕФАдан сафардаги гол қоидасини бекор қилишни сўрадим»

«Арсенал» бош мураббийи Арсен Венгер еврокубоклар плей-офф босқичларидаги сафарда урилган гол қоидасини бекор қилиш вақти келганини айтиб ўтди.

«Ўтган мавсум биз Чемпионлар лигасидан сафарда урилган гол туфайли чиқиб кетганимиздан кейин мен УЕФАдан ушбу қоидани бекор қилишни сўрадим.

Эслаб кўринг, «Бавария»га 1:3 ҳисобида ютқаздик ва сафарда 2:0 ҳисобида ютдик. Мюнхенликлар майдонида иккита гол уриш жуда қийин эди.

Сафардаги урилган гол қиймати замоновий футболда жуда катта.

УЕФА вакиллари менинг таклифимдан ҳайрон бўлишди. Ҳозирги вақтда рақиб ҳақида маълумот олиш жуда осон. Энди сафардаги ва уйдаги голларнинг ҳеч қандай фарқи йўқ.

Кўпчилик ўз майдонида гол ўтказиб юбормаслик учун ёпиқ ва ҳимоявий футбол намойиш этишмоқда. Мураббийлар ҳам асосан ўз майдонидаги ўйинларда биринчи навбатда гол ўтказмаслик кераклигини айтишмоқда», – дейди Венгер.

Link :

Source : sports.ru

Receive latest football news directly on your phone. Subscribe for our Telegram channel!

Rating: